Parlamenti do të mblidhet sot pasdite në orën 17:00, në një seancë të jashtëzakonshëm për të votuar dekretet e Presidentit për lirimin nga detyra të ministrave të mëparshëm dhe emërimin e ministrave të rinj. Seanca është thirrur me kërkesë të shefit të qeverisë, Edi Ramës.
Në kërkesën zyrtare drejtuar Gramoz Ruçit, Rama shkruan:
“ Motivi i paraqitjes se kesaj kerkese lidhet me shqyrtimin dhe miratimin e dekreteve te Presidentit te Republikes per lirim dhe emerim te Zevendeskryeministrit dhe te disa ministrave, ne kuader te ristrukturimit organik te qeverise, per zgjerimin e objektivave te qeverise ne frymen e reformimit, permiresimit dhe transformimit te sherbimeve, zgjerimin e kapaciteteve dhe rritjen e efikasitetit te punes. Ne mbeshtetje te pikes 2, te nenit 42, te rregullores se Kuvendit, kerkoj thirrjen e mbledhjes se Kuvendit dhe mbajtjen e seances plenare, per votimin e dekreteve te Presidentit te Republikes per lirim dhe emerim Zevendeskryeministri dhe te disa ministrave.
Konkretisht, do të votohen shkarkimet e Arben Ahmetajt si ministër i Financave, i cili do të zëvendësohet nga Anila Denaj; Damian Gjiknuri si ministër i Infrastrukturës, i cili do të zëvendësohet nga Belinda Balluku; Mirela Kumbaro si ministre e Kulturës, e cila do të zëvendësohet nga Elva Margariti; Lindita Nikolla si ministre e Arsimit, e cila do të zëvendësohet nga Besa Shahini; Sonila Qato si ministre për Mbrojtjen e Sipërmarrjes, e cila do të zëvendësohet nga Eduard Shalsi; Niko Peleshi si ministër i Bujqësisë, i cili do të zëvendësohet nga Bledi Çuçi; dhe Senida Mesi si zëvendëskryeministre, e cila do të zëvendësohet nga Erion Braçe.
