Kryeministri i Kosovës, Ramush Haradinaj, të martën, është shprehur se mospjesëmarrja e opozitës në seancë, nuk e ndihmon Kosovën.
Haradinaj tha se opozita s’ka nevojë të marrë pjesë në votim, por duhet të ishte e pranishme në sallë për të shprehur pikëpamjet e veta.
“Mosardhja në seancë nuk është ndihmë, duhet të shohin çfarë është në pyetje”, – tha Haradinaj në hollin e Kuvendit të Kosovës.
“Ne kemi krizë ekonomike në Kosovë, gjendja ekonomike s’është e mirë, kemi probleme të shumta, por punojmë për Kosovën. As s’ka ndarje as s’do ketë ndarje, as s’ka lëvizje me territore. Votojeni këtë delegacion”, -u shpreh Kryeministri.
Haradinaj më pas u pyet nëse i kanë votat për këtë delegacion, por ai u përgjigj: ‘deputetët e dinë’.
Në këto çaste po mbahet seanca e jashtëzakonshme parlamentare në Prishtinë për dialogun Kosovë-Serbi në lidhje me debatin e shkëmbimit të territoreve
