Ka zgjatur vetëm pak minuta seanca për zgjedhjen e Presidentit të ri. As në këtë raund nuk kishte asnjë emër në garë për kreun e Shtetit.
Komisioni parlamentar i ligjeve konstatoi se nuk kishte asnjë kandidaturë për president as para raundit të dytë të votimit.
Kryetarja e Komisionit Vasilika Hysi i kërkoi parlamentit të kryente votimin megjithëse nuk u paraqit asnjë kandidat.
Kryetari i Kuvendit Ilir Meta mbylli seancën dhe njoftoi mbledhjen e konferencës së kryetarëve për të caktuar datën e raundit të 3-të.
Kujtojmë se janë 5 raunde gjithsesj për zgjedhjen e Presidentit. Për 3 të parat kërkohen 84 vota, ndërsa në dy raundet e fundit Presidenti mund të zgjidhet me shumicë të thjeshtë, 71 vota.
