Aknet në fytyrë janë një prej arsyeve pse njerëzit mund të humbasin vetëvlerësimin. Zakonisht prezenca e tyre në lëkurë, ndodh gjatë adoleshencës, por ka edhe nga ato lloje lëkurash të cilat kanë akne gjithmonë. Por shkenca mund të japë zgjidhje për këtë problem. Së shpejti pritet që në treg të dalë një vaksinë e re, e cila do t’i japë zgjidhje këtij problemi njëherë e mirë.
Hulumtuesit nga Universiteti i Kalifornisë, San Diego, kanë bërë një zbulimin e madh, që tregon se është e mundur të luftohet toksina e cila është e sekretuar nga bakteret e përfshira në puçrra me një antitrup të veçantë.
Ata zbuluan se duke bërë kështu ndihmon në zvogëlimin e inflamacionit të akneve.
Shpresohet se vaksina do të ishte një mënyrë për të bllokuar bakteret që shkaktojnë akne në fytyrë duke luftuar një toksin që shkakton inflamimin e quajtur Christie-Atkins-Munch-Peterson (CAMP).
Në studimin e kryer mbi minj dhe qelizat e lëkurës të mbledhura nga njerëzit – studiuesit testuan efektivitetin e një sërë antitrupash.
