Së shpejti do të jemi në gjendje të kemi një avatar që t’u përgjigjet thirrjeve video që vijnë në WhatsApp për ne.
Kjo është veçoria që do të jetë pjesë e një strategjie më të gjerë mbi metaversën e kompanisë mëmë Meta, i gjendur në kodin e versionit eksperimental për Android (numri 2.22.15.5) nga faqja WABetaInfo.
Sajti pretendon se të dhënat na bëjnë të mendojmë se WatsApp po punon për të futur mundësinë e shtimit të një avatari në profilin e shërbimit të mesazheve, pak a shumë siç ndodh në Facebook dhe Instagram ku personazhet mund të përdoren për t’u aplikuar në foto dhe video.
Megjithatë, në rastin e bisedave, qëllimi do të ishte shumë më i gjerë dhe do të synonte të animonte avatarin në mënyrë që ai të shfaqet në sfondin e një videotelefonate, me shprehjen e fytyrës që riprodhon, në sinkron me fytyrën reale të personit që është para telefonit.
Një ekran i ndarë nga WABetaInfo tregon një buton të ri të etiketuar “Kalo në avatar” që përdoruesit do të duhet të shtypin për të kaluar nga imazhi i drejtpërdrejtë i kamerës tek personazhet e animuar. Nuk ka indikacione për një kohë të mundshme të nisjes, e cila, për momentin, do të ndikonte vetëm në versionin Android të aplikacionit.
Sipas ekspertëve, lëvizja është pjesë e planit më të madh të pronarit të WhatsApp Meta për të lançuar metaverset e tij, në të cilin platformat e ndryshme që ai menaxhon do të jenë në gjendje të kanalizojnë për të ofruar një përvojë të unifikuar. Lidhur me këtë, disa ditë më parë, Zuckerberg kishte zyrtarizuar ardhjen e ardhshme të një dyqani virtual veshjesh për avatarët e grupit, me veshje në bashkëpunim me Prada, Balenciaga dhe Thom Browne./Opinion.al
