Lëvizja Socialiste për Integrim ka reaguar pasi PD shkroi se koalicioni “non grata” i LSI me lëvizjen e ish-kryeministrit, Berisha, për zgjedhjet e pjesshme vendore, do të mbajë Shqipërinë në vend numëro.
Në një status në rrjetet sociale vihet re se LSI nuk e njeh Bashën si kryetar të PD-së , por e quan deputeti Basha.
LSI shkruan se Basha është tmerruar nga primaret e djeshme dhe tani provokon LSI-në për të shmangur vëmendjen nga kandidatët që caktohen me zarfa.
“I tmerruar nga primaret e djeshme të jashtëzakonshme, deputeti Basha i cili mashtroi për 10 vite e si bëri kurrë tani provokon LSI-në për të shmangur vëmendjen nga kandidatët që caktohen me zarfa në minutë të fundit prej 10 vitesh. Të gjithë për rivendosjen e integritetit të votës së lirë”, shkruan LSI./Opinion.al
