Kancelari gjerman Olaf Scholz ka paralajmëruar se një sulm izraelit në Rafah do ta bënte paqen në rajon “shumë të vështirë”, raporton Reuters.
Kjo – shtoi lideri gjerman – do të jetë një nga temat kryesore në qendër të bisedimeve me kryeministrin izraelit, Benyamin Netanyahu, të dielën e ardhshme, gjatë udhëtimit të tij në rajon.
“Tani për tani, ka të bëjë me sigurimin e arritjes së një armëpushimi të qëndrueshëm,” tha Scholz pas bisedimeve me mbretin e Jordanisë Abdallah në rezidencën e tij private në portin jordanez të Akaba në Detin e Kuq. “Kjo do të na lejonte të parandalonim një ofensivë të tillë tokësore,” përfundoi ai./Opinion.al
