Scarlett Johansson dhe Colin Jost i japin fund beqarisë pas dy vitesh lidhje. Edhe pse ende nuk është vendosur një datë martese, kjo pritet të ndodhë shumë shpejt.
Aktorja e famshme dhe 34-vjeçari bënë debutimin e tyre të parë në publik si një çift në nëntor 2017 dhe së fundmi morën pjesë në premierën e “Endgame” së bashku në Los Angeles.
“Scarlett dhe Colin janë të dashuruar dhe ndajnë shumë interesa të përbashkëta dhe të njëjtin sens humori”, tha një burim pranë çiftit duke shtuar se Scarlett është shumë e lumtur.
Kjo do të jetë martesa e parë për Colin Jost, yllin e Saturday Night Live, dhe e treta për aktoren Scarlett Johansson.
Ylli i filmit “Avengers, Endgame”, u divorcua nga bashkëshorti i saj i dytë, Romain Dauriac, në shtator të vitit 2017. Johansson ka qenë gjithashtu e martuar me aktorin Ryan Reynolds nga shtatori i vitit 2008 deri në dhjetor të vitit 2010./Opinion.al
