Ambientalisti Sazan Guri nuk u shfaq në publik në kauzën e fundit të shoqërisë civile “kundër importit të mbetjeve”. Nëse më parë, ambientalisti Guri mbante flamurin e protestës, kësaj radhe nuk u pa të protestonte para Kryeministrisë. Ai nuk u shfaq as në media për të folur nëse ishte pro apo kundër importit. Ndaj në rrjetet sociale plasi ironia: Ku je o Sazan Guri?!
Duket se ai tani është “zgjuar” por jo për të kundërshtuar Kryeministrin Edi Rama, por ambasadorët, përkatësisht, Donald Lu të SHBA-së dhe Romana Vlahutin të delegacionit të BE në vendin tonë.
Gjatë një debati në “Zjarr Tv”, Guri do të shprehej: “Ambasadori amerikan dhe ajo europiane janë pjesë e këtyre simboleve që duan të na ngjisin; prostitucionit, kanabisit, plehrave…sepse bëhen lobime të mëdha. Ambasadori nuk vjen në konferencat që bëjmë ne për çështjet mjedisore, mjafton të jesh homo, të bësh diçka për ata dhe ata marrin pjesë. Tek ne nuk marrin pjesë”.
Më tej ai vlerësoi protestën e së shtunës para Kryeministrisë si një protestë paqësore, model, ku edhe ata që janë me PD protestuan si qytetarë, si partiakë.
*Shihni videon bashkëngjitur
