Save The Children raporton se rreth 800,000 fëmijë janë mes dy milionë njerëzve që janë larguar nga Ukraina pas fillimit të pushtimit rus.
Shumë prej tyre po e bëjnë udhëtimin vetë dhe po mbërrijnë të pashoqëruar, ka paralajmëruar agjencia.
“Prindërit po përdorin masat më të dëshpëruara, zemërthyere për të mbrojtur fëmijët e tyre. Kjo përfshin dërgimin e fëmijëve të tyre me fqinjët dhe miqtë, për të kërkuar siguri jashtë Ukrainës, ndërsa ata qëndrojnë në shtëpi për të mbrojtur vendin e tyre,”-tha Irina Saghoyan nga OJQ-ja.
Ndërsa një djalë 11-vjeçar, i quajtur Hassan, u largua vetë nga shtëpia e tij në Zaporizhzhia sepse nëna nuk mund të linte gjyshen e tij.
Ai mbërriti i sigurt në Sllovaki, pas një udhëtimi 1200 km me tren, duke mbajtur vetëm dy çanta të vogla, pasaportën dhe numrin e telefonit të të afërmve të shkruar në dorë.
Hassanit kishte të shkruar numrin e telefonit të të afërmit të tij në Sllovaki në anën e pasme të dorës.
Më shumë se gjysma e refugjatëve që largohen nga Ukraina po shkojnë në Poloni, dhe më pas në Hungari dhe Sllovaki.
