Armando Pezaku është një prej të arrestuarve nga policia e shtetit, pasi akuzohet për trafik ndërkombëtar të lëndëve narkotike. Ai ishte shoferi i kamionit me të cilin u transportua sasia prej 613 kg kokainë që vinte nga Kolumbia drejt Shqipërisë.
Armando Pezaku, ndryshe nga shumë trafikant duket se ishte shumë aktiv në rrjetet sociale. Në faqen e tij të Facebook, ai madje kishte të shkruar edhe punën që bëntë, “shofer kamioni i coj mill partizaneve” shkruante ai, dhe mesa duket e kishte seriozisht.
Sipas postimeve të tij, duket se prej kohësh ishte zhvendosur në Gjermani, nga ku postonte foto të përditshmërisë, por edhe video të ndryshme nga jetesa atje.
Pezaku është ndaluar nga policia e shtetit, ndërsa pronari i magazinës ku u gjend droga Arbër Çekaj, është shpallur në kërkim.
