Policia ka njoftuar sot kapjen e rreth 9.5 ton kokainë në një konteiner të ardhur nga Ekuadori. Mediat vendase shkruajnë se kjo është sasia më e madhe e lëndës narkotike e kapur deri më sot.
Sekuestrimi u realizua të mërkurën me 23 gusht në portin e Algeciras, dhe tejkalon rekordin e mëparshëm të vitit 2018 në të njëjtin qytet, njoftonin autoritetet.
Droga ishte fshehur në një konteiner frigorifer me banane dhe ishte ndarë në pako me simbole të veçanta, që i përkisnin grupeve të ndryshme të shpërndarjes që duhej të merrnin dërgesën.
Pritësit e dërgesës raportohet se ishin disa nga rrjetet më të njohura kriminale të Evropës, teksa pakot ishin etiketuar me simbole si kryqe të thyer apo fjalët “Hitler”, të ngjashme me një dërgesë të kapur në Belgjikë dy muaj më parë.
