Zyra e informacionit për turistët në qytetin e Sarandës është zhytur në errësirë, ndërkohë që pjesa tjetër e qytetit shkëlqen nga dritat. Nuk dimë nëse është një neglizhencë apo harresë e bashkisë së këtij qyteti, që me sa duket kur ka menduar për një zyrë informacioni, nuk i ka shkuar ndër mend të lidhë energjine elektrike. Një detaj jo i vogël, duke patur parasysh që kjo zyrë është imazhi i qytetit, veçanërisht për turistët e huaj.
Megjithatë, pavarësisht errësirës, duket se punonjësit e kësaj zyre përpiqen ta kryejnë detyrën, ndonëse mungesa e energjisë nuk i favorizon. Më shumë se fjalët, flasin fotot më poshtë, të dërguara në Opinion.al.
