Një vajzë 13-vjeçare ka shpëtuar për mrekulli pasditen e së shtunës, kur banesa e saj u përfshi nga flakët. E mitura ndodhej vetëm në shtëpi, ndërkohë që tubot e gazit që lidhnin bombulën me sobën e gatimit, kanë shpërthyer. Vajza ka dalë menjëherë në ballkon dhe ka pritur ndërhyrjen e zjarrfikësve, që kanë bërë të mundur të shuhej zjarri.
Ngjarja ka ndodhur në një apartament të katit të katërt në zonën e quajtur “SMT”, në Bashkinë Finiq të Sarandës.
Nga zjarri pati vetëm dëme materiale, ndërsa po vijon puna për zbardhjen e plotë të shkakut.
