Kroçera “Explorer of the Seas” ndodhet në Sarandë duke sjellë kështu në bregdetin tonë 2700 turistë nga e gjithë bota. Lajmi është bërë i ditur nga kryeministri Edi Rama me anë të një postimi në rrjetin social “Facebook”.
Teksa publikon pamjet e kroçerës gjigande e cila ndodhet në pronësi të Royal Caribbean International, një prej kompanive më të mëdha në botë në fushën e lundrimit, Rama shkruan se bregdeti shqiptar këtë verë po mikëpret shifra rekord vizitorësh.
“2700 turistë nga e gjithë bota mbërrijnë në Sarandë me të famshmen “Explorer of the Seas Cruise”, duke u prezantuar për herë të parë me kartolinën e bregdetit shqiptar që edhe këtë verë po mikpret shifra rekord vizitorësh”, shkruan Rama./Opinion.al
