Të tjera detaje bëhen të ditur lidhur me vrasjen e 41-vjeçarit nga Tepelena Klodian Bakiaj këtë pasdite në qytetin e Sarandës.
Mësohet se shkak i konfliktit mes viktimës dhe autorit 24-vjeçar ka qenë një vend parkimi. Bakiaj ka parkuar mjetin përpara lokalin ku ishte punësuar si kamarier Xhanelo Tarja. Ky i fundit ka kërkuar nga Bakiaj të largojë makinën, gjë që me sa duket ka hasur në kundërshtimin e 41-vjeçarit. Pas konfliktit dhe debatit të krijuar në atë moment, Tarja ka qëlluar për vdekje dy herë në kraharor, Klodian Bakiaj, i cili ka ndërruar jetë edhe pse është dërguar për ndihmë në spital.
“Në vijim të informacionit paraprak të dhënë, ku dyshohet se gjatë një konflikti të çastit, një shtetas, si pasojë e dëmtimeve me mjete prerëse ka ndërruar jetë, në spitalin e Sarandës, ju informojmë se: Si rezultat i veprimeve të shpejta hetimore, është bërë i mundur identifikimi dhe shpallja në kërkim e autorit të dyshuar, shtetasit Xh. T., 24 vjeç, banues në Laç.
Shtetasi Xh. T, dyshohet se gjatë një konflikti të çastit, në lagjen nr.1, Sarandë, ka goditur me mjete prerëse shtetasin K. B., 41 vjeç, banues në Tepelenë, i cili si pasojë e dëmtimeve të marrë, ka ndërruar jetë në spitalin e Sarandës. Shërbimet e Komisariatit të Policisë Sarandë vijojnë punën intensive për kapjen e autorit të dyshuar”, thuhet në njoftimin e policisë./Opinion.al
