Një 20-vjeçar është plagosur me thikë këtë mbrëmje në Sarandë, në rrethana ende të paqarta. Mësohet se i riu Aurel Shino, punonjës parkimi në një kompleks turistik, është paraqitur në spital.
Ai ka patur plagë në pjesën e poshtme të brinjëve të majta, ndërsa sipas raportimeve konflikti ka ndodhur jashtë vendit të punës, në rrugën “Turizëm-Kanali i Çukës”.
20-vjeçari është nisur të shkojë vetë në spital me makinën e punës, por ka mundur të ecë vetëm 1 km ka vendi ku ndodhi konflikti. Ai është shoqëruar në spital nga kalimtarë të rastit dhe ndodhet jashtë rrezikut për jetën. Policia ka vënë në pranga autorin e ngjarjes, 23 vjeçarin O.L., banues në Sarandë./Opinion.al
