Një ngjarje e rëndë ka ndodhur këtë mbrëmje në Sarandë. 3 persona, anëtarë të së njëjtës familje janë paraqitur në spital, pasi janë plagosur me sende të forta. Është fjala për babain dhe dy djemtë e familjes Avdyli, që sipas informacioneve paraprake mësohet të jenë përfshirë në një konflikt pronësie. Autori i dyshuar i ngjarjes është shteasi me inicialet S.Gj., që tashmë është shpallur në kërkim.
Sarandë/Informacion paraprak
Më datë 02.05.2022, rreth orës 19:00, në fshatin Çukë, Sarandë, dyshohet se për motive pronësie, shtetasi S. Gj., 43 vjeç, ka goditur me grushta dhe sende të forta, shtetasin Sh. A., 62 vjeç, banues në Çukë, Sarandë.
Grupi hetimor ndodhet në vendngjarje dhe po punon per sqarimin e rrethanave të ngjarjes.
Vijon puna për kapjen e shtetasit S.Gj.
