Sarajevë/Avioni me Ylli Manjanin nuk ulet në pistë

Avioni ku udhëtonte Ministri i Drejtësisë Ylli Manjani, nga Viena për në Bosnje-Herzogovinë, ku do të zhvillohej takimi i ministerialit të Ministrave të Drejtësisë dhe të Brendshëm të rajonit, është detyruar të mos ulet në aeroportin e Sarajevës. Shkak është bërë mjegulla dhe kushtet e rënduara klimaterike në Sarajevë të cilat nuk lejonin që avioni të bënte një ulje normale në pistë. Për këtë shkak avioni është kthyer në Vienë. Samiti ku do të merrte pjesë ministri i Drejtësisë Manjani lidhet me çështjet e sigurisë së brendshme dhe drejtësisë, ndërkohë që nuk ka ende një informacion nëse ky samit do të mbahet në ditët në vazhdim.