Sara Hoxha dhe partneri i saj moderatori Ledion Lico, u bënë prindër të vogëlushit London Noor pak ditë më parë, ndërsa duket se mami Sara po bën cmos të mësojë gjithçka rreth rritjes së djalit të saj.
Ajo postoi një foto në llogarinë e saj në snapchat, duke treguar një libër, të cilin po e lexon momentalisht. “Strong mother’s, strong son’s”, është një libër i cili jep leksione se si mamat të mësojnë të rrisin një djalë të mrekullueshëm. Autorja e librit, e cila është një pediatre, ka botuar disa libra lidhur me këshillat apo leksionet e prindërimit.
Në foton e publikuar nga Sara duket edhe krevati i djalit të vogël pranë pemës së Krishtlindjeve.
Duket se për çiftin nuk do mund të kishte një dhuratë më të bukur se kjo për festat e fundvitit.
