Ishujt grekë të Santorinit dhe Kretës janë tronditur mëngjesin e sotëm nga një tërmet. Lëkundjet kanë arritur magnitudën e 4.8 të shkallës Rihter në një thellësi prej 55 km nëntokë.
Sipas mediave greke lëkundjet e tërmetit nuk kanë zgjatur shumë, por janë ndjerë në dy ishujt e frekuentuar kryesisht nga turistë.
Nga tërmeti nuk ka patur të lënduar apo dëme materiale.
“Nuk duhet të shqetësohemi shumë nga ky tërmet, edhe pse magnituda e tij do të thotë që mund të ketë të tjera tërmete”, shprehet sizmiologu grek Gerasimos Papadopoulos.
Kujtojmë se vetëm një ditë më parë Kreta u godit nga një tjetër tërmet./Opinion.al/
