Banka Qendrore e Rusisë po bën thirrje për qetësi mes frikës se sanksionet e reja financiare mund të nxisin një boshatisje në arkat e saj, për shkak se shumë njerëz do të mundohen që të tërheqin para.
Në një deklaratë, ajo tha: “Banka e Rusisë ka burimet dhe mjetet e nevojshme për të ruajtur stabilitetin financiar dhe për të siguruar vazhdimësinë operacionale të sektorit financiar.”
Të shtunën, Evropa, SHBA, Britania e Madhe dhe Kanadaja njoftuan se asetet e bankës qendrore të Rusisë do të ngrihen. Kjo bankë ka rezerva prej rreth 630 miliardë dollarë (470 miliardë paund).
Sanksionet kundër Bankës së Rusisë e ndalojnë atë që të shesë asetet. Po ashtu aleatët perëndimore kanë shpallur se një numër i bankave ruse do të hiqen nga Sëift, sistemi i pagesave ndërkombëtare i cili është shumë rëndësishëm për transaksionet në të gjithë botën.
Analistët parashikojnë që të hënën, kur shumica e tregjeve të rihapen, vlera e rublës do të bjerë – dhe rusët mund të nxitojnë të heqin paratë e tyre nga bankat.
“Këto sanksione të reja ka të ngjarë të shkaktojnë dëme serioze në ekonominë ruse dhe sistemin e saj bankar”, tha Clay Loëery, nënkryetar ekzekutiv në Institutin e Financave Ndërkombëtare.
