Kremlini ka reaguar përmes zëdhënësit Dmitry Peskov duke thënë se negociatat midis Rusisë dhe Ukrainës nuk do të kenë rezultat nëse furnizimi me armë për Ukrainën vazhdon. “Pompimi i Ukrainës me lloje të ndryshme armësh nuk kontribuon në suksesin në negociatat ruso-ukrainase. Përkundrazi, do të ketë një efekt negativ,” tha ai.
Kjo deklaratë vjen pasi ditën e sotme Britania e Madhe thuhet se ka dërguar në Ukrainë automjete të blinduara dhe SHBA ka zbuluar për herë të parë se ka trajnuar disa ukrainas, në Amerikë, se si të përdorin dronët me të cilët ajo vetë ka furnizuar Ukrainën.
Peskov dënoi gjithashtu sanksionet e reja kundër Rusisë, duke thënë se ato ishin “një vazhdim i linjës së furishme për futjen e kufizimeve të reja”. Ai u duk se adresoi në mënyrë specifike vendimin e SHBA për të vendosur sanksione kundër vajzave të presidentit rus Vladimir Putin, duke i quajtur dënime të tilla “të vështira për t’u kuptuar dhe shpjeguar”./Opinion.al
