Kryeministri spanjoll Pedro Sanchez ka njoftuar se fushata e vaksinimit kundër Covid-19 do të nisë në janar dhe në të gjithë vendin do të jenë 13 mijë pika të kryerjes së saj. Lajmi bëhet i ditur nga gazeta El Pais në edicionin e saj online.
“Një pjesë e qëndrueshme e popullatës mund të vaksinohet me të gjitha garancitë në gjysmën e parë të vitit”, ka shpjeguar Sanchez pas mbledhjes së G20, duke shtuar se do të vendoset një strategji e përfshirjes së të gjithë vendit duke u dhënë prioritet grupeve të rriskuara.
Këtë të martë plani do të diskutohet në Këshillin e Ministrave.
Sanchez tha se incidenza e tanishme është më pak se 400 infektime për 100.000 banorë, që do të thotë se është ulur në raport me 14 ditë më parë, por sërish mbetet e lartë.
Lidhur me Krishtlindjet ai tha se do të ketë festime të ndryshme, por është e nevojshme të përcaktohen masa dhe rekomandime për qytetarët./Opinion.al
