Shpërthimi i baterive të Galaxy Note 7 e detyroi kompaninë Samsung që ti tërhiqte pajisjet nga tregu, ndonëse po prezantohej si një risi në fushën e teknologjisë, duke shkaktuar jo pak zhgënjim te ndjekësit besnikë të kësaj marke.
Tani që ka vendosur që të tërheqë të gjithë 2.5 milionë Galaxy Note 7, kompania ka arritur të gjejë edhe shkakun e shpërthimit të baterive.
“Bazuar në hetimet tona, kemi mësuar se ka probleme me qelizat e baterisë. Një mbinxehje e qelizave të baterisë ndodh kur anoda bie në kontakt me katodën, që është një gabim shumë i rrallë, që mund të ndodhë gjatë prodhimit të baterisë”-tha një përfaqësues i kompanisë.
Nuk është shpjeguar në detaje problemi se çfarë ndodh, por nëse anoda dhe katoda vijnë në kontakt direkt, rezultati nuk është i mirë.
