Në kohën kur prodhuesit e pajisjeve të teknologjive moderne, po i përshtaten gjithnjë e më shumë rrjeteve sociale, Samsung ka bërë një hap të rëndësishëm në këtë drejtim.
Sipas “BBC” gjigandi korean ka njoftuar se prodhimet e reja përpos opsioneve të tjera të kamerës do të kenë dhe opsionin “Instagram mode”.
Të gjitha fotografitë që bëhen në këtë formë, kanë filtrat, sistemin e dritës, afërsinë me objektivin dhe shumë mundësi të tjera, të lidhura direkt me aplikacionin e famshëm.
Edhe pse nuk bëhen me dije detaje konkrete, risia lë të kuptohet se ka filluar një bashkëpunim i ngushtë ndërmjet Samsung dhe Instagram, që nuk duket se do të përfundojë me kaq./E.M
