Samsung ka rifilluar shitjen e Galaxy Note 7 në Korenë e Jugut ndërsa pritet që në 28 Tetor të rifillojë shitja në Europë.
Kompania u kërkoi konsumatorëve që të kthenin mbrapsht aparatet e tyre, pasi disa përdorues raportuan se telefoni i tyre kishte shpërthyër gjatë ose pas karikimit.
Kompania sqaroi se kjo kishte të bënte me probleme të baterisë.
Samsung ka shitur rreth 2.5 milion Galaxy Note 7 në të gjithë botën përpara tërheqjes nga tregu.
Në Korenë e Jugut, rreth 80 përqind e atyre që u shitën janë kthyer e më pas zëvendësuar me të reja.
Në Europë dhe Amerikën e Veriut kjo shifër është më e ulët por ende ngelet e lartë, rreth 50 përqind, sipas burimeve të kompanisë.
Burime nga brenda kompanisë thonë se 95 përqind e njerëzve që e kthyen celularin e tyre, kanë zgjedhur për të vazhduar më tej me përdorimin e një modeli të Samsung. Sipas tyre, ka një besnikëri të madhe të konsumatorëve ndaj markës së tyre.
Por ka pasur sigurshit një kosto të madhe, mbi të cilën është e pamundur të përcaktohet një vlerë monetare.
“NJOLLA”
Fillimisht Samsung ka humbur një muaj shitjesh të planifikuara me kujdes në fushatën e tij kundër Apple dhe Iphone 7.
Së dyti, marka u njollos. Pas tërheqjes së pajisjeve nga tregu ka qënë e vështirë të ruajë publikisht atributet e cilësisë së lartë.
Së treti, edhe pse shumica e telefonave janë kthyer mbrapsht dhe zëvendësuar, një numër i konsiderueshëm kanë mbetur ende atje.
Linjat ajrore iu kanë prezantuar pasagjerëve një njoftim paralajmërues duke thënë se Samsung Galaxy Note 7 nuk duhen ndezur gjatë fluturimit.
A do ta heqin tani linjat ajrore këtë ndalim?
Në tregun e rëndësishëm kinez, iPhone ka një vulë të madhe. Samsung është “shtrydhur” midis ofertave për Apple dhe telefonave kinezë.
Bateritë që mund të marrin zjarr, nuk e kanë ndimuar aspak kompaninë në këtë garë gjigandësh të teknologjisë.
BBC/ Technology
