Aeroporti “Nënë Tereza” ka njoftuar të gjithë pasagjerët të cilët ditën e martë 6 Dhjetor kanë për të udhëtuar nga TIA të paraqiten në aeroport 4 orë para fluturimit të tyre.
TIA ka dhënë këtë njoftim për pasagjerët për shkak të masave të marra per samitin BE-Ballkani Perëndimor, në mënyrë që udhëtarët të mos rrezikojnë humbjen e fluturimit.
“TIA njofton që të gjithë pasagjerët të cilët kanë për të udhëtuar nga TIA në datë 6 dhjetor, janë të lutur që të jenë në aeroport 4 orë para fluturimit të tyre për shkak të masave të marra per samitin BE-Ballkani Perëndimor.
Kjo prezencë kërkohet në mënyrë që pasagjerët mos të rrezikojnë humbjen e fluturimit të tyre.”-njofton TIA.
