Presidenti Bajram Begaj prit sot të gjithë përfaqësuesit e vendeve të Procesit të Bashkëpunimit në Europën Juglindore. Në një tryezë të rrumbullakët, gjatë fjalimit të tij, Begaj vlerësoi bashkëpunim mes palëve duke u shprehur se ka “sjellë rezultate dhe ndikime pozitive në jetën e qytetarëve”.
Kreu i Shtetit u ndal tek integrimi i Shqipërisë në Bashkimin Europian ku theksoi se po ecën me ritëm të shpejtë.
“Shqipëria po ecën me ritëm të shpejtë drejt integrimit europian, teksa vijojmë t’i qëndrojmë besnikë vlerave demokratike të aleancës euroatlantike”, tha Begaj.
Po ashtu rikonfirmoi angazhimin e Shqipërisë për marrëdhënie të fqinjësisë së mirë në bashkëpunimin rajonal dhe promovimin e paqes, stabilitetit dhe prosperitetit.
Kush merr pjesë në samit?
Shqipëria – Presidenti Bajram Begaj
Sllovenia -Nataša Pirc Musar, Presidente e vendit
Mali i Zi – Jakov Milatovic, President i vendit
Kosova – Vjosa Osmani Sadriu, Presidente e vendit
Bosnje Hercegovina – Željka Cvijanović, kryetare e Presidencës
Maqedonia e Veriut – Gordana Siljanovska Davkova, Presidente e vendit
Bullgaria – Rumen Radev, President i vendit
Serbia – Đuro Macut, kryeministër
Moldavia – Mihai Popşoi, zv/kryeministër dhe ministër për Punët e Jashtme
Turqia – Hakan Fidan, ministër i Jashtëm
Rumania – Emilian Horatiu Hurezeanu, ministër i Jashtëm
Greqia – Alexandra Papadopoulou, zv/ministre e Jashtme
Kroacia – Frano Matušić, Sekretari i Shtetit për Çështjet Politike
Amer Kapetanović, Sekretari i Përgjithshëm i Këshillit të Bashkëpunimit Rajonal
Silvio Gonzato, kreu i Delegacionit të Bashkimit Europian në Tiranë
