Kryeministri Edi Rama në një konferencë të përbashkët me kancelarin gjerman Olaf Scholz dhe presidenten e Komisionit të Euopës, Von der Leyen, u shpreh falënderues që samiti i Procesit të Berlinit po zhvillohej në Tiranë.
Gjatë fjalës së tij, Rama theksoi se ky Samit është duke u mbajtur në një moment të vështirë, pasi sfidat dhe krizat më të cilat Ballkani Perëndimor dhe BE janë duke u përballur janë të jashtëzakoshme.
Ai nënvizoi se patën diskutime të frytshme në samit ndërsa shtoi se pas konfliktit Hamas-Izrael, kanë bërë që të forcohet miqësia dhe bashkëpunimi me BE-në.
“Ndërsa samiti u mbyll me diskutime të frytshme, me shkëmbime të hapura, e me një ndjenjë të vërtetë miqësie. Nuk do të gjeja dot kurrë fjalët e duhura për të falenderuar kancelarin që në mënyrë kaq të hirshme që i hapur për idenë për ta sjellë procesin jashtë BE në Tiranë dhe nuk do të gjeja dot kurrë fjalët për të falenderuar presidenten e Komisionit që i dha samitit diçka thelbësore përmes planit të rritjes për Ballkanin Perëndimor. Ky është moment i vështirë në kohë dhe sfidat me të cilat përballemi janë të jashtëzakonshme për shkak të krizave që kanë goditur të gjithë ne.
Nuk duhet se gjërat bëhen më mirë përpara se të përkeqësohen në shumë fronte, përfshirë atë të ri në konfliktin midis Izraelit dhe Hamasit. Në të njëjtën kohë, këto kohë kanë farkëtuar miqësinë, bashkëpunimin tonë, ndjenjën e përbashkësisë dhe falë udhëheqjes së BE ajo çfarë ka ndodhur është shfrytëzuar për të parë përpara me një besim më të fortë kundrejt Ballkanit Perëndimor”, u shpreh Rama./Opinion.al
