Deputeti i Partisë Demokratike Xhemal Gjunkshi do të marrë pjesë në samitin e NATO, i cili është edhe evenimenti më i rëndësishëm botëror për sigurinë.
Deputeti demokrat është ftuar si përfaqësues i opozitës dhe në këtë samit do të jetë krahas edhe përfaqësuesve të qeverisë. Kjo është një ngjarje e rëndësishme, dhe ftesa e një deputeti opozitar është një vlersim për PD dhe vetë zotin Gjunkshi i cili më parë ka mbajtur edhe detyrën e Shefit të Shtabit të Ushtrisë dhe mbahet mend si një nga bashkëpunëtorët më të mirë të Shqipërisë me NATO-n.
Vetë deputeti e ka publikuar në rrjetet sociale ftesën zyrtare, ndërsa shkruan: “Me date 11 – 12 Korrik 2018 jam ftuar te marr pjese ne SAMIT-in e NATO-s i cili do te zhvillohet ne Bruksel”.
Në këtë samit pritet që Maqedonia të marrë ftesën zyrtare për t’ju bashkuar Aleancës ushtarake. Stoltenberg ka paralajmëruar se nëse marrëveshja për emrin nuk kalon në referendum, atëherë nuk do të ketë anëtarësim të plotë në NATO.
Samiti i korrikut, do të jetë një mundësi për udhëheqësit e NATO-s, që të bëhen bashkë dhe hartojnë një politikë të qartë të sigurisë, për të forcuar Europën.
