Më shumë se 40 liderë shtetesh nga mbarë Evropa mbërrijnë sot e nesër në Tiranë për të marrë pjesë në samitin e 6-të të Komunitetit Politik Evropian.
Mes tyre është edhe kryeministri i Britanisë, Keir Starmer, i cili pritet të mbërrijë mëngjesin e sotëm në Tiranë, në kuadër edhe të një vizite zyrtare në Shqipëri, e para e një lideri britanik në vendin tonë. Starmer dhe delegacioni i tij do të priten në një ceremoni zyrtare nga Presidenti i vendit Bajram Begaj.
Ditën e sotme, gjithashtu pritet që të mbërrijë në vendin tonë edhe Presidenti i Këshillit Evropian, Antonio Costa. Ndërkohë kujtojmë se Komuniteti Politik Evropian iniciative e presidentit francez Macron e ndërmmarrë në vitin 2022 është një forum pan-evropian, në përbërje më shumë se 40 krerë të shteteve edhe nga jashtë BE-së.
Disa kritikë e konsiderojnë Komunitetin Politik Evropian si një mekanizëm që u ngrit për të ngadalësuar zgjerimin e shpejtë të BE-së duke mbajtur në dhomën e pritjes pa afat shtetet ballkanike, Ukrainën, Moldavinë dhe Gjeorgjinë Perëndimore.
Komuniteti Politik Evropian nuk është një organ vendimmarrës si Bashkimi Evropian apo aleanca e NATO-s. Në mbledhjet e tij nuk publikohet asnjë deklaratë, nuk zbatohet asnjë traktat apo ligj, por shkëmbehen pikëpamje dhe rivendosen ura komunikimi siç ishte rasti i fundit mes Ramës dhe Mitsotakis. TvKlan
