Ka përfunduar në Britaninë e Madhe takimi i liderëve të 7 vendeve të më fuqishme të botës, ku kanë qenë pjesëmarrës, SHBA, Gjermania, Franca, Italia, Britania e Madhe, Kanadaja dhe Japonia.
Në këtë samit u diskutuan një sërë çështjesh, përfshirë ngrohjen globale, pandeminë si dhe problemet me Kinën dhe Rusinë.
Liderët e G7 janë zotuar ndër të tjera të dhurojnë një miliard doza vaksinash kundër koronavirusit për vendet e varfra, sikurse bëri të ditur pas samitit, kryeministri britanik, Boris Johnson.
“Udhëheqësit kanë premtuar mbi një miliard doza, ose drejtpërdrejt ose përmes financimit të COVAX-it” tha ai.
Grupi G7 i kërkoi Kinës që të bashkëpunojë me Organizatën Botërore të Shëndetësisë për një hetim “transparent të fazës së dytë” lidhur me origjinën e koronavirusit.
“Ne bëjmë thirrje për një studim transparent, të udhëhequr nga ekspertët dhe të bazuar në shkencë”, tha G7 në deklaratën përfundimtare, pas samitit tre-ditor.
Gjithashtu përfaqësuesit morën psëripër të ulin emetimin e karbonit në atmosferë në përpjekje për të luftuar ngrohjen globale./Opinion.al
