Një vajzë e ulur pranë Matteo Salvinit në avion shfrytëzoi mundësinë të bënte një foto pranë ish-ministrit ndërsa ai flinte. Selfie me kreun e Legës, nuk ishte në fakt krejt e zakonshme pasi vajza e ofendon duke i treguar gishtin e mesit.
Fill pas kësaj ajo i bëri “tag” Salvinit shoqëruar me disa zemra të vogla dhe kaq mjaftoi që fotografia të qarkullonte kudo në rrjetet sociale duke shkaktuar një lum komentesh dhe reagimesh.
Ndërkaq fotografia u ripostua dhe nga Salvini shoqëruar me komentin ironik:
“Sa bukur të udhëtosh në shoqërinë e njerëzve të edukuar! Ndoshta më pas del në shesh për të protestuar kundër urrejtjes dhe dhunës.”
Një lëvizje kjo që e shoqëruar dhe me polemikat e shkaktuara në rrjet pas publikimit të fotos detyruan vajzën të çaktivizojë profilet në rrjetet sociale./Opinion.al
