Numri një i Ministrisë së Brendshme të Italisë ka reaguar lidhur me kaosin në Siri, pasi ish-gjenerali i Muamar Gadaf, Khalifa Haftar ka kryer një ofensivë tjetër me ushtrinë e tij në Tripoli.
Salvini theksoi se në varkat e emigrantëve libianë vijnë edhe terroristë, ndaj portet e Italisë do të mbeten të mbyllura.
“Portet e vendit do të mbeten të mbyllura. Kjo për shkak të rrezikut terrorist. Në varkat me emigrantë që vijnë nga Libia, ka edhe terroristë. Për sa kohë është ky realitet, portet italiane do të mbeten të mbyllura”, tha Salvini.
Gjithsesi Salvini nuk iu përgjigj pyetjeve të gazetarëve, nëse politika e tij e ashpër lidhur me emigrantët do të ndryshojë, në rast të shpërthimit të një lufte totale në shtetin libian./Opinion.al
