Ish-ministri i Brendshëm italian Matteo Salvini ka dalë në gjyq në Siçili, i akuzuar për pengimin e ankorimit të një anijeje emigrantësh në gusht 2019.
Politikani i krahut të djathtë mohon akuzat, ndërsa mes dëshmitarëve kundër tij është edhe aktori hollivudian Richard Gere, i cili ishte në bordin e mjetit lundrues.
Por i pandehuri u tall me praninë e z. Gere. “Pyes veten nëse është serioze që Richard Gere i Hollywood do të dëshmojë për sjelljen time në një gjyq,” u tha ai gazetarëve jashtë gjykatës.
Aktori kishte hipur në anijen spanjolle Open Arms përpara se ajo të ankorohej pas 19 ditësh në det në ishullin Lampedusa me gati 150 emigrantë në bord.
Salvini mbylli portet, duke lënë dhjetëra emigrantë të bllokuar në bordin e një anijeje spanjolle shpëtimi për tre javë në kushte vështira. Ai përballet me një maksimum prej 15 vitesh burg nëse shpallet fajtor.
Në ditën e parë të procesit, gjyqtari lejoi të dëshmonin të gjithë dëshmitarët e paraqitur nga të dyja palët. Ata përfshijnë gjithashtu ish-kryeministrin Giuseppe Conte dhe anëtarë të kabinetit të tij./Opinion.al
