Mbi 60 mijë italianë nga të gjitha rajonet janë mbledhur sot në komunën e Pontidas në provincën e Bergamos në manifestimin tradicional vjetor të Partisë Lidhja.
Janë të gjithë simpatizantë të kësaj force politike që në Itali po rritet çdo vit e më shumë. Sondazhet e fundit në nivel kombëtar i japin rreth 31 % të konsensusit të italianëve pa harruar rezultatet e zgjedhjeve vendore të një jave më parë të cilat i dhanë kësaj force politike, fitoren në territore deri më tani historike të qendrës së majtë italiane si në Terni, Pisa, Siena, Friuli etj,
Por ambicia politike e liderit të saj Matteo Salvini që sot është pjesë e rëndësishme e qeverisë Conte si zëvendëskryeministër e ministër i Brendshëm, shkon dhe më tej.
Matteo Salvini drejton sytë në zgjedhjet evropiane të 2019 ku partia Lidhja do të marr pjesë në listat e partive populiste e sovraniste.
“Partia Lidhja është një forcë që bashkon e që rritet çdo ditë. Objektivi im është që ta transformoj në një forcë evropiane, në një forcë ndërkombëtar përtej kufijve rajonale e kombëtare e që do të sjellë liri, punë e siguri për të gjithë popujt europianë. ka deklaruar lideri i partisë Lidhja.
“Zgjehjet europiane të 2019, tha ai, do të jenë një referendum i madh mes elitës së Bashkimit europiane dhe popullit europian, mes botës europiane të financës dhe botës reale të popullit, mes sigurisë së kufijve dhe trafikantëve të qënieve njerëzore.”
Popujt janë lodhur me fjalë, deklaroi Salvini, Ata presin fakte, punë e vepra.”
Lideri i Lidhjes deklaroi gjithashtu se Partia Lidhja nuk do hyj në grupin e partive populiste eropaine në të cilin bën pjesë aleati i saj politik Forza Italia e Silvio Berlusconit si dhe partia e kancelares gjermane Angle Merkel.
“Ka forca, tha Salvini që e kanë jo qeverisur Evropën për dekada duke e shndërruar në një Evropë të papunësisë, paqartësisë, të falimentimeve bankare, të emigracionit jashtë kontrollit.”
“Unë dua t’i kthej zërin një Evrope të re, Evropa e punës, e shpresës dhe e sigurisë. Të gjitha forcat politike duhet të zgjedhin se në ç’anë duan të rrojnë. Partia Lidhja ka zgjedhur të mos jetë pjesë e Parisë Popullore Evropiane.”/oranews/
