Deputeti i Partisë Demokratike Ervin Salianji tha gjatë një lidhjeje në emisionin “Opinion”, se shumcia e partive që kanë qenë pjesë e koalicionit te 25 Prillit do të mbështesin kandidatët e PD në zgjedhjet e 6 marsit. Salianji tha se e mbështet këtë deklaratë në ecurinë e negociatave që po zhvillohen, ndërsa tha se aleatët nuk do të guxonin të shkonin në një grup “non grata”.
Salianji: Nga negociatat që po zhvillohen shumica e partive që kanë qenë në koalicion do të mbështesin kandidatët e PD.
Fevziu: Zoti Duka dhe Shehi thanë që do t’i lënë të lirë votuesit e tyre të zgjedhin kandidatin që preferojnë…
Salianji: Asnjë prej alateatëve edhe nëse do të donin të shkonin me grupin e rithemelimit nuk do të guxonin të shkonin në një grup non grata.
Fevziu: Largimi i LSI ?
Salianji: Është e përhershme, një parti më afër të majtës se të djathtës, edhe në zgjedhjet e fundit garoi më vete.
Argumenti ishte që nuk mund të votojë një i majtë një parti të djathtë dhe anasjelltas. Ajo që nuk bëhej në zgjedhjet e 25 Prillit po ndodh tani./Opinion.al
