Ish-deputeti i Partisë Demokratike, Ervin Salianji ka reaguar për vrasjen e 25-vjeçarit Klodian Rasha. Salianji shkruan në një postim në “Facebook” se i riu, Klodian Rasha është vrarë nga segmente drejtuese të policisë. Sipas tij, po këto segmente kanë tentuar që të manipulojnë ngjarjen.
Salianji, sjell gjithashtu në vëmendje edhe rastin e vdekjes së djalit korçar Enea Ftoj, i cili sipas deputetit, ka vdekur në duart e policisë.
“Rasti i Klodianit dhe Eneas tregojnë qartë se segmente të caktuara e marrin peng policinë dhe policët e thjeshtë dhe e përdorin policinë për interesa personale të pushtetit rilindas.”, shkruan Salianj në reagimin e tij.
REAGIMI I SALIANJIT
Klodian Rasha u vra dhe segmente drejtuese të policisë tentuan ta manipulojnë ngjarjen duke fajësuar viktimën.
Enea Ftoj një i ri korçar vdiq në duart e policisë, sipas dëshmive të familjes dhe fotove, i dhunuar në kokë, fytyrë, me gjymtyrë të thyera. Askush nuk mori pergjegjësi dhe pavarêsisht insistimit të familjes vdekja u cilësua natyrale.
Për shkak të dhimbjes dhe peshës së padrejtësisē babai i Eneas vdiq disa muaj pas te birit duke kërkuar drejtësi!
Rasti i Klodianit dhe Eneas tregojnë qartë se segmente të caktuara e marrin peng policinë dhe policët e thjeshtë dhe e përdorin policinë për interesa personale të pushtetit rilindas.
Rastet e represionit dhe dhunës janë të përditshme, qytetarët e dëshmojnë, propoganda e Edi Ramës për të manipuluar ngjarje nuk e fshin dot realitetin e përditshëm.
Kjo është dëshmia tronditëse e familjarëve për dhunën çnjerëzore në komisariat që i morën jetën!
Shqipëria ka nevojë për një qeveri në shërbim të qytetarêve./Opinion.al
