Deputeti i Partisë Demokratike, Ervin Salianji gjatë Komisionit për Sigurinë Kombëtar ka replikuar me ministrin e Mbrojtjes, Niko Peleshi lidhur me menaxhimin e situatave të zjarreve.
Me ironi Salianji krahasoi menaxhimin e zjarreve në vend me mikrofonat në sallën e komisionit.
Ai gjithashtu komentoi deklaratën e ministrit i cili tha se Shqipërisë nuk i leverdis të blejë mjetet për shuarjen e flakëve për shkak të kostos së madhe.
Salianji përmendi shpenzimet e kryeministrit Edi Rama për të udhëtuar me charter personal.
“Imagjino si menaxhoni zjarret ju kur nuk menaxhoni dot dy mikrofona këtu. Ju nuk duhet të flisni këtu me një modesti sit ë jeni edukatore, Thatë pak më parë se nuk ia vlen të kemi helikopterë sepse kanë kosto të madhe. Unë dua të pyes sa është kosto për një orë fluturimi. A ia vlen që të ketë kryeministri një charter me salltanete.
Me charter personal që kushtojnë thuajse miliona euro në vit. Ju thoni ka kosto helikopteri atëherë pse na duhet ministri se edhe ai ka kosto. Na kërkoni ndihmë thoni hajde na jepni edhe ne nga një lopatë dhe të vijmë të fikim zjarre”,-tha Salianji.
