Deputeti i zgjedhur në qarkun Korçë, Ervin Salianji ka deklaruar se Partia Demokratike do të kërkojë përsëritjen e zgjedhjeve në në 9 qarqe të vendit.
Kërkesa e PD argumentohet se në zgjedhjet parlamentare janë konstatuar parregullsi dhe manipulime nga ana e Partisë Socialiste.
Salianji tha në “ Tv Klan” se PD është duke përgatitur një dosje me prova të cilat faktojnë pretendimet e Partisë Demokratuike për parregullsitë e zgjedhjeve të 25 prillit.
Arian Çani: A është e vërtetë që PD është duke mbyllur një dosje me anë të së cilës do të kërkojë ripërsëritjen e zgjedhjeve në 9 qarqe?
Ervin Salianji: Po!
Arian Çani: A është e mundur kjo gjë?
Ervin Salianji: Po pa diskutim që është e mundur përderisa ka fakte, ka prova.
Arian Çani: Kush e vendos këtë?
Ervin Salianji: E vendos një institucion që quhet KAS. E kanë ata në dorë dhe pastaj Kolegji Zgjedhor.
Arian Çani: Ti i di kush janë këto 9 qarqe që pretendoni të ripërsërisni zgjedhjet?
Ervin Salianji: Korça, Durrësi, Gjirokastra, Berati disa zona që kërkojnë të ripërsëriten për një sërë shkeljesh të cilat janë evidentuar gjatë ditës së zgjedhjeve dhe gjatë numërimit. Rezultati është shumë i ngushtë, Berati lëviz me 39 vota mandati mes opozitës dhe qeverisë.
Ndërsa analisti Arjan Curi thotë se nuk mendon që kërkesa e Partisë Demokratike të miratohet nga organet zgjedhore.
Arjan Curi: Jo s’ka asnjë shans. Nuk ka shans të kthehet, kot që i mbajnë njerëzit me shpresa, i lodhin. Më mirë fatalist dhe realist. / Opinion.al
