Deputeti Ervin Salianji ka konfirmuar pjesëmarrjen e tij në protestën e 7 Korrikut, ndërsa është bërë tashmë pjesë edhe e strukturave organizuese të saj.
Nga Korça ku ndodhej për këtë qëllim, Salianji tha se demokratët janë bashkë për të protestuar.
“Jam në Korçë për organizimin e protestës së 7 korrikut. Ka mobilizim të të gjitha strukturave. Ka shumë arsye për të protesuar. Korça ka edhe më shumë arsye pasi po kthehet në një provincë të humbur. Ka arsye për të protestuar, pasi duke i hequr gjykatën dhe pjesën më të madhe të institucioneve dhe po tentojnë ta kthejnë në një çiflig për një grup shokësh dhe miqsh, të cilët edhe jetën e qytetarëve duan ta kthejnë në pronë private.
Shikoni pak edhe emërimet që kanë bërë së fundmi, pa asnjë arsye PS, në fakt nuk ka pasur arsye PS pse të zgjidhte një nga kryetaret e PS të Korçës një person të akuzuar por edhe të kapur nga media që blinte vota në zgjedhjet e pjesshme të vitit 2013. Kanë arsye për të protestuar fermerët që po hedhin prodhimet, qytetarët që po i blejnë produktet shtrenjtë, studentët që s’kanë mundësi punësimi, pasi vendet e punës i zënë ata që janë afër oligarkëve të PS ose ndonjë gjasme demokrat, ata që s’marrin kempet, ndihmën ekonomike.
Demokratet janë bashkë për të protestuar, i bashkon beteja kundër qeverisë. Investimet janë lënë në mes, si rruga Qukës- Qafë Pllocë, s’ka investime në qytete dhe fshatra. Unë si deputet i PD do jem në protestë. Të gjithë pavarësisht ndryshimeve do të jemi në protestë. Shumica e grupit parlamentar do të jetë pjesë e protestës. Kushdo ka arsye për të protestuar”, deklaroi Salianji./Opinion.al
