Pas deklaratave të kryeministrit Rama ku ai ironizoi kreun e Partisë Demokratike, Lulzim Basha, ka ardhur reagimi nga selia blu.
LEXO EDHE: Rama komenton planin e PD për daljen nga kriza: Shalqi me provë
Ish-deputeti Ervin Salianji ka shkruar në Facebook se “shqiptarët s’kanë ç’presin më” nga kryeministri Rama ndërsa sa i përket deklaratës se Basha është “shalqi me provë”, Salianji shkruan se Rama është “kungull që si hyri doli”.
“Në 7 vjet e nisi me fjalë e premtime e do ta mbyllë me mashtrime. Shëndetësia në kolaps, arsimi në krizë ekonomia në pikiatë, borxhi stratosferik, papunësia, investimet e huaja që nuk u panë kurrë, pasurimi i një grushti njerëzish dhe varferia ekstreme në çdo cep të vendit. Këto jane faktet! Kungulli mbetet kungull, por një kungull si ky as nuk e gatuan dot. Mendoni që është aq kungull sa mendon se me premtime e mashtrime shpreson ta shtyjë ende. Koha e qeverisjes së kungujve ka mbaruar. Le të shkojnë të rriten në serat e Surrelit. Shqiptarët duan ndryshim!”, shkruan Salianji. /Opinion.al
