Ervin Salianji ka reaguar nga burgu pas seancës së sotme parlamentare.
Përmes një postimi në rrjete sociale, Salianji thotë se edhe nga burgu do të vazhdojë të jetë tmerri i atyre që mendojnë se me izolimin e tij do t’i mbyllin gojën.
Ai ka theksuar mes të tjerash se asgjë nuk do ta ndali.
“Sot me vendimin politik të Edi Ramës, socialistët vendosin ta fshijnë emrin tim nga rradhët e opozitës në Parlament, duke hequr mandatin e dhënë nga qytetarët e Korçës!
Jam krenar që në çdo ditë të ekzistencës time politike i kam shërbyer vetëm interesit të qytetarëve! Edhe nga burgu politik do të vazhdoj të jem tmerri i atyre që mendojnë se me izolimin tim do të më mbyllin gojën.
Asgjë nuk më ndal! Beteja politike vazhdon!”, shkruan Salianji.
