Deputeti i PD Ervin Salianji ka folur në lidhje me procesin e zgjedhjes së kryetarit të PD.
Ai deklaroi se nuk ka dyshime se kush do të jetë fitues mes ish-kryeministrit Sali Berisha dhe kandidatit tjetër Ibsen Elezi.
“Me gjithë respektin por tek kjo pjesë e rëndësishme është pjesa fituese në raportim shumicë pakicë sepse Berisha bëri një betejë thuajse personale. Nuk ka dyshim se kush do të jetë fitues”, tha Salianji.
I pyetur nëse Berisha ka shumicën në PD, Salianji u përgjigj:
“Po, por ka një diskutim se nëse qëndrojmë në palë, nga Berisha dhe Rithemelimi, sado e madhe të jetë mbështetja, a bëhet dot fituese PD-ja?
A jemi në kushtet që duhet bërë një proces që mos mbeten jashtë qindra demokratë dhe të mos hidhet poshtë kontributi i atyre që kanë kontribuar me vite?
Mbi bazë e tyre vjen ajo që a e njeh pakica shumicën. Nuk mund të ketë dhunë të pakicës por duhet ruajtur nga tirania e shumicës”.
