Kryetari i Partisë Demokratike, Sali Berisha është i ftuar mbrëmjen e sotme në emisionin “Opinion” këtë të enjte. Përballë gazetarit Blendi Fevziu, Mirela Milorit dhe Neritan Sejaminit, Berisha iu përgjigj një sërë pyetjesh teksa ndodhemi në prag të fushatës për zgjedhjet e 11 Majit.
Një nga pyetjet kishte të bënte edhe me Chris LaCivita-n, ai që cilësohet “bashkëarkitekti” i fitores së Trump në SHBA, dhe që do të drejtojë fushatën e PD-së.
Berisha u shpreh se LaCivita do të vijë në Shqipëri sapo të hapet fushata.
Pjesë nga biseda në studio:
Blendi Fevziu: LaCivita kur do vijë?
Sali Berisha: LaCivita do vijë këto ditë kur të hapet fushata dhe ne jemi në komunikim të përditshëm online me të.
Blendi Fevziu: Është folur që ai do vinte bashkë me një ftesë që ju mund të vizitonit SHBA-në?
Sali Berisha: Absolutisht kurrë.
Blendi Fevziu: Nuk ka qenë e vërtetë?
Sali Berisha: Nuk është e vërtetë se ai është konsulent elektoral.
Blendi Fevziu: Nuk flet në emër të qeverisë së SHBA?
Sali Berisha: Nuk është lobist. Ai është bashkëkryetari i Komitetit Kombëtar Republikan
Blendi Fevziu: Kur keni biseduar me të ju ka dhënë ai shpresë që mund t’i fitoni këto zgjedhje.
Sali Berisha: As që e ka vënë në dyshim ndonjëherë. Ai e njeh. Ka feeling. Lëre mos e pyet. Ai e sheh.
Blendi Fevziu: Ti e mban mend si e quajti Rama atë, një Trump-ist tha?
Mirela Milori: Një turist që do marrë lekët dhe do ikë.
Sali Berisha: Ajo do të thotë një fitimtar pastaj. Po i tha ashtu, e nderojnë me atë.