Nëpërmjet një postimi në Facebook, ish-Kryeministri i vendit Sali Berisha iu ka uruar të gjithë besimtarëve bektashinj ditën e Sulltan Novruzit. Në postimi i tij, Berisha uron që “Sulltan Novruzi tjetër të na gjejë më mirë në paqe, pa asnjë epidemi” dhe po ashtu sipas tij dhe “pa narkoshtetin e Sultan Salep Surrelit”.
“Gëzuar ditën e Sulltan Novruzit!
Të dashur miq, sot bektashinjtë shqiptarë festojnë ditën e madhe dhe të bekuar të Sulltan Novruzit. Kjo është një ditë besimi, mbarësie dhe shprese për të gjithë bektashinjtë, por dhe mbarë besimtarët e Zotit. Ndaj dhe le t’i urojmë ne së bashku të gjithë ata Gëzuar Sulltan Novruzin, ditën e jetës, lindjes dhe shpresës së pashuar! Le të urojmë që Sulltan Novruzi tjetër të na gjejë më mirë në paqe, pa asnjë epidemi por edhe pa narkoshtetin e Sultan Salep Surrelit! Gëzuar! Sb”, ka shkruar Berisha.
