Ish-kryeministri Sali Berisha e ka cilësuar protestën e sotmë përballë Kryesisë së Kuvendit si një fitore sipas tij historike të popullit shqiptar.
Kjo sepse sipas tij sovrani e ndryu në vrimën e miut Edi Ramën, që sipas Berishës ia mbathi në tunelet nëntokësore për tu shpëtuar protestuesve të shumtë.
“Edvini ndryhet në vrimën e miut!
Ditë tjetër Fitoreje historike e popullit opozitar!
Të dashur miq, sot ishte një fitore tjetër historike e popullit opozitar. Kjo sepse:
-Sot para parlamentit të vrasësve, trafikantëve, përdhunuesve dhe hajnave u organizua protesta më e madhe në atë shesh në 29 vitet e fundit.
Sot në këtë cunam të vërtet sovrani dogji vet mandatet e deputetëve të opozitës dhe delegjitimoi përfundimisht parlamentin e narkoshtetit.
Sot sovrani opozitar ndryu Edvinin në Vrimën e Miut.
-Ai, nga tmerri i opozitarëve të jugut anulloi antimitingun që kishte njoftuar dhe organizuar në Gjirokastër. Nderim opozitarëve të jugut që i kallën datën frikacakut dhe e detyruan të anullojë takimin.
Edvini, pasi masa gjigande e popullit të revoltuar u drejtua nga sheshi para parlamentit tek ndertesa e kryesisë së parlamentit, u largua me shpejtësi nga vendstrehimi ku ishte ngujuar së bashku me Gramoz Ruçin dhe ja mbathi në tunelin e Rognerit, i cili të çon në Pallatin e Kongreseve dhe nxjerr tek liqeni. Nderim popullit opozitar që e ndryu Edvinin të menderosur në vrimën e miut.
Revolucioni Demokratik drejt fitores! Sb”, shkruan Sali Berisha në profilin e tij në fcb.
