Sali Berisha është shprehur se demokratët duhet të ndërmarrin çdo veprim për të rrëzuar qeverinë e Ramës. Kujtojmë se ish-kryeministri Berisha ka qenë i pari që ka hedhur idenë e djegies të mandateve.
“Duhet të ndërmarrim çdo akt që na çon tek rrëzimi i Ramës. Nëse ne me aksionin qytetar politik do t’u kthejmë shqiptareve votën e lirë, ne kemi marrë një vendim historik të drejtë. Po nuk arritëm që shqiptarët të votojnë të lirë, mbetemi fasadë. Nëse shkohet në këtë vendim, që nuk e kundërshtoj, përkundrazi, koha ka ardhur që të përballemi me këtë regjim me qëllimin e vetëm që shqiptarët të jenë të lirë”, mësohet të ketë thënë Berisha në mbledhjen e grupit parlamentar të Partisë Demokratike.
Ndërkohë, në një intervistë për gazetën italiane “Il Messaggero”, Sali Berisha ka thënë se Rama duhet të lejojë krijimin e një qeverie të përkoshme, e cila do të përgatisë zgjedhjet e lira.
“Me Ramën zgjedhje të lira nuk ka. Beteja është e vështirë, por këto protesta kanë qenë një mësim i mirë e shpresoj që Rama të kuptoj, përndryshe do të ketë ditë të vështira, njerëzit do ta vrasin e do ta hedhin në lumë”, ka thënë ndër të tjera Sali Berisha në intervistën për gazetën italiane, të cilën mund ta lexoni duke klikuar këtu.
Lexo edhe: Rama intervistë për Corriere-n: Nuk e mendoj dorëheqjen, opozita në krizë
