Saimir Tahiri është përjashtur nga Komisioni Parlamentar për Stabilizim Asociimin, i cili mblidhet në Tiranë në fillim të javës së ardhshme. Pas përjashtimit të tij nga çdo funksion në Partinë Socialiste, ai tashmë nuk do të jetë pjesë e këtij komisioni.
Vendimi u bë bë i ditur në fillim të seancës plenare, nga Kryetari i Komisionit të Integrimit Genc Pollo, i cili i kërkoi Kryetarit të Kuvendit që Saimir Tahiri të mos jetë pjesë e delegacionit të palës shqiptare, sepse “prezenca e tij në Komison me eurodeputetet të hënën dhe të martën dëmton reputacionin e Shqipërisë”.
Kërkesa është pranuar nga kryeparlamentari Gramoz Ruçi, i cili garantoi se Tahiri nuk do të jetë më pjesë e Komisionit që dikskuton me parlamentin Europian ecurinë e Shqipërisë për negociatat e anëtarësimit në BE.
